متى تقولين ياليتني ولد ..؟؟!!

السلام عليكم ورحمة الله وبركاته

اليوم جبت موضوع اتمنى من البنات يتفاعلون معاي:

شنو اللي يخلي البنات يقولون يا ليتني ولد؟

1- لمن تكونين جاهزة و مستعدة للطلعه و ما تلقين من يوصلج لا سواق والأخوان مشغولين ساعتها تصرخ البنت
( يا ليتني ولد )

2- وأحيانا تعزم صديقاتها وتقول لهم بكل الفخر العشا علي ...لا ومن وين من احسن مطعم. تدق على اخوانها تلقاهم ؟؟؟؟

واحد مقفل جواله !!

والثاني بالبر مايوصل له الارسال !!

والثالث نايم بالمقلط ولا في امل يقوم !!

والرابع بالغرفة ...وقافل على نفسه الباب ...ويقول لا احد يزعجني !!

والخامس مع عيال أخواله عندهم دورية !!

والعشا يتفركش

والاعذار تتسكت بوجبات من بيتزا هت

واول مايطلعون تسمع صرخة بالحوش

( يا ليتني ولد )

3- ولما تكونين جالسة على النت و تبين تدخلين على موقعك المفضل و فجاة تلقين اخوج واقف قدامج
يقول صكري النت ليه؟؟؟؟؟

بس بكيفي ....وثاني مرة لا عاد تشبكين فاهمة !!!!اوكي

وليه معد أشبك؟!!!!

اولا احسن لك....ثانيا بنت شتبين بالنت ....ثالثا ليش تشبكين...وش الفايدة...؟؟؟؟ماله داعي

!!!!
عطيني لاب توبك بفتشه اشوف شنو فيه وبعدها نسمع الصرخه

( يآآ ليتني ولد )

معزومه على عرس رفيجتج وودج تروحين توقفين معاها ...

وتلبسين وتكشخين وساعتين على ما تتمكيجين وتتضبطين واخرتها يجي اخوج ويقول

ماله داعي تروحين مالج حاااجه

وتروحين تصكين عليج الباب وتصارخين من قمة راسج وتقولين

(ليتني ولد)

اكيد هناك العديد من المواقف التى تدفع الفتاة الى قول هذه العبارة

واللي قلناه سابقا ليس الا امثلة بسيطة و لكن انتي شنو اللي يخليك تقولين يا ريتني ولد؟

اتمنى منكم تتفاعلون لأن هذه الكلمه يا كثر ما نسمعها

يلا هالله الله بالردود

فما السبب؟؟؟؟؟

ههههههههههههههههههههههههههههه

المفرووض نقول ليت ماعندي اخوو وخلصت المشكلــه

هههههه يالغلاا يعطيك الف عاافيــه يااقلبي

اناا عن نفسي احب نفـــسي اني بنت
وبس يالغلاا

كل ماطفشت واشتهيت الطلعه ومالقيت احد يوديني اقولها
وانا بالذات ياكثر مااقولها

يسلموو على الطرح قلبتي المواجع خخخخخ Laughing

انا مشتهيا اصير ولد بس علشان اروح لمحول الكهرباء الي وراء الفرغ وشرب زقاير وبيبسي

شواقه يسلموو عالمروور ..
" "شكلج الوحيده بين الصبيان ""

.,,,,

عــــآشقه "" لا تعــــليق""