قررت اتزوج..

موضوع: قررت اتزوج.. الأحد نوفمبر 29, 2009 12:57 am

السلام عليكن ورحمه الله وبركاااته
اليوووم جايبه لكم قصه واحد قرر انه يتزوج
المهم ما اطولها عليكن
اليكن
..........

: قررت أتزوج‏

في ليله من ليالي الصيف الخايسه ..

كنت ماخذ وضعية الانبطاح وأقلب في المجلات العربيه ماكو شغل ,,,

أتفرج على الفنانات الى كل وحده تشق شق , الى أن شفت صورة الفنانه

[ندعوك للتسجيل في المنتدى أو التعريف بنفسك لمعاينة هذه الصورة]

(( باسكال مشعلاني ))

طقيت برييييييييييك وقعدت أتمقــّـل فيها مدة من الزمن ,

وخذيت قرار صارم بمناداة أمي بصووووت عالي .!

يمااااااااااااه لم تسمعني فقررت في ذلك الحين بمناداتها بصووووت أعلى .

يمااااااااااااااااااااااااااااااااااااااااا ... >> (في ذلك الحين لم أرى سوى نعال الحمام مرت يم ويهي ..)

أمي : نعم اشتبي ؟؟

أنا : خلاااااااص نسيت .. شبغيت أقول .. أصلا

فلما هممت أمي بالذهاب ..

أطلقت صرخه قويه أخرى ...يماااااااااااااااااااااااااااااااااااااه

فلتفتت وخزتني ذيج الخزه بطرف عينها ..

وقالت : ردينا.. شكلك تبي الطبجه الثانيه ..؟

قلت : يماااااااااااااااه تكفين أبيج بموضوع مهم ..!

أنا أتخذت قرار ولن أتراجع أو أتزحزح عن قراري مهما صار .

أمي : خير اشقررت يا بو القرارات . ؟؟

أنا : ابي أتزوووووووووووج

ردت أمي رد سريع وقالت : عاد من زينك ومن زين طبايعك علشان تتزووووج ..!

خلك لما تكبر شوي وتثقل وتصير قد المسؤولية ..

أنا : يمه حرام عليج أنا مسكين أنا قاعد أتعذب يوميا

ليش يمه أنا ماني ولدكم ... وقعدت أبجي بجوه صجيه يمكن اكسر خاطرها

المهم .. دموعي مانزل منها الى وحده بس <<< دموع التماسيح

أمي : خلاص أنا قررت أتهور بعد وبزوجك .. بس من بنته عاد اللي تبيها ..؟

انا : بنت مشعلاني يا يمه ..!

أمي : منو مشلعاني هذول بعد ..!؟

أنا : قصدي ابيج تشوفين لي وحده تشبه (( باسكال مشعلاني ))

لحظه خل اقص لج صورتها من المجله ..

والله واقصلها صورة ( باسكال ) وأعطيها حق الحجيه وقلتلها :

أبيها نفس مواصفات هذي بالضبط تكفين ..

قالت أمي : خلاص لا تحن باجر عندي عرس ولد ام سالم الصغير ..

بشوف لك وحده تشبهها وامري لله .!

صاااار باجر وراحت أمي العرس .. وأنا ناطر رجعتها بفارغ الصبر ..

بعد ساعات طويلة من الا نتظار ..

رجعت أمي وبشرتني : مبروووووك لقيت طلبك يالحنان .. وخذيت رقم أمها بعد ..

دقت عليهم الوالدة اليوم الثاني .. وردت البنت وانا لاصق اذوني بالسماعه أبي أسمع صوتها .!

فما كان من الوالده إلا وهي تمسك بجهاز التلفون وتصكني فيه على مخي .. لكي اغدو في حال سبيلي ..

رحت الصاله وانا أرفس علبة المناديل .. والتى كانت أحدى هواياتي ..

جاءت إلي امي لتزف لي بشرى قبول اهل البنت مبدئيا ..

فرحت بالخبر وانتظرت اليوم الموعود لمقابلتها ..

وانا أنشد (( ماااااااااااا أروعج يا يمه ))

المهم ..

ذهبت الى الحلاق وقلت له : تضبيط كامل الله لايهينك ..

ومن ثم جاءت أمي بالطيب والبخور ... وقرأت علي المعوذات واية الكرسي ..

ثم ذهبت الى .. النسايب اليدد علشان أشوف وأنشاف ..

دقيت الجرس ففتح لي الأخ الأصغر وكان بطه ولكن تبدو عليه علامات البراءة ..

وما إن رآني قال >> منو أنت يابو خشم ..!!؟

فقلت له : عيب يابابا أنا بصير زوج أختك ان شاءالله ..

وما إن قلت له هذه الكلمات التي نزلت عليه مثل الصواعق ...

حتى ذهب الى داخل المنزل ..

واسمعه يصارخ ويقول : انتوا من صجكم اختي تاخذ ابو خشم هذا ..

فكرت مليا بهالبطه الى فضحنا لابارك الله فيه ..

فقلت في نفسي اروح البيت وارجعلهم باجر على اساس اني انشغلت وماقدرت أمرهم

وبالتالي يكون ابو خشم هذا اللي فضحه هالياهل ليس انا

وما إن عطيت الباب ظهري وادخلت مفتاح السياره لكي افتح الباب

واذا بالأب يمسك يدي .. ويقول : منو الاخ ؟

فقلت له : وبصوت يملؤه الحزن انا الخطيب طال عمرك ..

أستقبلني خير استقبال .. وعزمني بالدوانيه بكل ذوق ..

وأخذ يسألني يمين ويسار عن مؤهلاتي ووظيفتي .. باختصار نشف ريج اهلي !!

وأنا أتصبب عرقاً حتى بدء العطن يتطاير مني .. من كثرة العرق رغم اني سابح قبل لا اروح !

ونحن في هذي الحاله يدخل علينا البطه ويقول بصوت يسمعه القاصي والداني

وهو يطلع لسانه : يابو خشم والله ماتاخذ اختي لو شنو

إلتفت الي الاب وقلت له : قضبوا ولدكم .. لا تصير علوم ترى ..

فقال له والضحكه تملىء فم الاب : اذهب يابني اصلحك الله ...

فقلت له تبا" بل سحقا" لتربية هذا الغلام ( جني خرتها شوي )

فقال الأب : هل تريد رؤية البنت ..؟

قلت بقلبي : عيل يا اطالع ويهك انت وولدك البطه ..!؟

وعندما ذهب الأب لمناداة البنت ..

أتى الولد وهو يطلع لسانه مرة أخرى ويقول :

يابو خشم والله ماتاخذ اختي ..

قلت له تعال حبيبي مادري من وين طالعلي انت تعال بعطيك دينار وطس بسرعه ..

قال خلاص .. صرفت الولد وافتكيت منه ..

ولما ذهب البطه الصغير دخلت علي البنت وكلها استحياء ..

وانا انظر الى الارض وارسم دواوير باصبع رجلي الكبير كعلامه على انني خجول يعني ..

فجلست بجواري وقالت : السلام عليكم

فلما رفعت بصري لكي أرد السلام ... توقفت الكلمة لم أستطيع أكمالها ..

كيف وأنا أرى أبشع وأقبح وأمتن وأغمج المخلوقات على وجه الأرض ..

لا وكانت تضع من المساحيق على وجهها مايكفي لصنع كعكه كبيرة الحجم

فقلت في نفسي فركش الزواج لابووها لابوو من يتزوجها هذي ..

هذي الينيه المنتفخه يبيلها أثنين يتحاططون ويتزوجونها ..!!

وكنت قد فكرت مسبقا ان أفركش الزواج وأضع شروطا تعجيزيه

كي يقب الوحش المحسوب على البنات كبنت !!

وتنادي امها وتقولها ماااااااااابيه ..

فقلت للوحش ( البنت ) : بس هاااا انا ترى عندي شروط ..

فقالت لي : سم آمر تدلل !!

فقلت لها : انا انسان زقرتي وسوالفي ما تطلع الا تالى الليل ..

فلا تستغربين يعني اذا شتج على بطنج تالي الليل وانتي نايمه وقلت لج :

يوعااااان ابي عشا وعقب العشا ضبطيلي الشيشه .. كيفي متزوج وابي مرتي تخدمني عادي !!

المهم شوفي ترى شيشتي تكون ثلاث جمرات صغار والماي مايتعدى النص

وتحطين معها ثلج ماشي ..؟

فقالت لي والابتسامه تعلو الويه اللي ما حلاه ربي : ابشر ..

بس ما اوصيك عاد بالمعسل التونسي فإنه انقى واصفى <<< (طلعت خبره وراعية شيشه ) !!

هسترت .. وفصخت عقالي وبدأت في ضرب العائله كنوع من تشويه سمعتي

لحقت بالاب الى داخل البيت وبركت فوقه مثل ما يبركون اللاعبين على اللاعب

اذا حط قول في كاس العالم .. وطلعت من بيت الاشباح قصدي ( النسياب اليدد )

ويوم طلعت لقيت البطه ولدهم قاعد فوق سيارتي ..

واطمر عليه طمره مماثله .. ودست ابطنه .. وأخذت منه ديناري ما نسيته من القهر ..

فلما هممت بتشغيل السيارة .. وأذا بي أسمعه يقول .. أذلف يابو خشم ..

عندها نزلت من السيارة .. وطرحته أرضاً .. وحطيت ريوله تحت تاير السيارة ..

وركبت السيارة .. وأقطه D وأفر التاير على ريوله ..

فلما نظرت من المرآه لكي أرى ماذا أحل به .. ؟

فأذا به يضحك ويأشر بيده ( بعد مره بعد مره ما تعور )

فذهبت الى البيت فأستقبلتني أمي .. هاااااه بشر شلون البنت .. عسى يازتلك يا وليدي ؟

قلت يمه حرام عليج هذي تشبه باسكال أنتي بتذبحيني ..

قالت نفس اللى بالصوره اللهم اختلاف بسيط بس ..!

وكاهي الصوره شوفها يا وليدي ..

فلما أخذت الصورة أكتشفت السبب ..

أثاريني قاص صورة ( باسكال ) من الجهه الأولى ..

والجهه الثانية فيها صورة

[ندعوك للتسجيل في المنتدى أو التعريف بنفسك لمعاينة هذه الصورة]

(هــيـــا الــشعــيبــي )...!!!

( والحجيه خلت صوب باسكال وطارت على هيا الشعيبي ... مو قراده )

خلاص يبااااااااا عوووووووووووووووووع ماني متزوج

............................................
هههههههههههههههههههه
حرم الزوااج المسكين

يعععععععععععع
والله عاد موحلوه باسكال قول ميريام قول نانسي هيفا بسباسكال مو ذاك الزود

تلوع الجبد والله هيا ابرك منها

عاد هيا تونس
يعنيهيا لو حلوه جان ماطلع دمهل خفيف

ماتسوه عليه زواجججججججججججججججججج

يعطيك الف عافيه واللله مت ضحك

يعاافييتس يالغلاا
نورتي الموضووع فديتتس

ههههههههههههه
عاااد موو من حلاه باسكال ولا من حلاه هياا
هههه بس حرام اخااف تعنس البنت وش ذمبهاا

يسلمووو حبوبه

الله يسلمـتس يالغلاا
منووره